मुंबई: गेल्या काही दिवसांपासून राज्यातील अनेक भागात सध्या मुसळधार पाऊस सुरू आहे. अनेक ठिकाणी झालेल्या पावसामुळे पूरस्थिती निर्माण होत जनजीवन विस्कळीत झाल्याचे दिसून येत आहे. मात्र, आज सकाळ पासूनच काही ठिकाणी पावसाने उघडीप दिली आहे. दरम्यान, राज्यात पावसाचा जोर वाढण्याचा अंदाज भारतीय हवामान विभागाकडून (IMD) वर्तविण्यात आला आहे. आज हवामान विभागाकडून (IMD) या जिल्ह्यांना यलो अलर्ट देण्यात आला आहे.
यलो अलर्ट
पुणे, रायगड, रत्नागिरी, सिंधुदुर्ग, सातारा, कोल्हापूर, ठाणे, अमरावती, वर्धा, नागपूर, गोंदिया, गडचिरोली आणि चंद्रपूर या हवामान विभागाकडून (IMD) जिल्ह्यांना यलो अलर्ट देण्यात आला असून मुसळधार पावसाचा अंदाज आहे.
IMD : या जिल्ह्यांना कोणताही अलर्ट नाही
जळगाव, धुळे, नंदुरबार, नाशिक, छत्रपती संभाजीनगर, मुंबई, पालघर, जालना, बीड, अहमदनगर, लातूर, उस्मानाबाद, सोलापूर, सांगली, नांदेड, परभणी, बुलढाणा, हिंगोली, यवतमाळ, वाशिम आणि अकोला या जिल्ह्यांना कोणताही अलर्ट देण्यात आला नसून येथे रिमझिम पावसाचा अंदाज आहे.
