मुंबई : राज्यातील मोजके जिल्हे सोडल्यास आज फारसा पाऊस कुठे नाही. उद्या, मंगळवार, 29 सप्टेंबरपासून ते रविवार, 4 ऑक्टोबर या आठवडाभराच्या कालावधीतही राज्यात पाऊस ओसरलेला दिसणार आहे; त्यामुळे हा आठवडा कोरडाच जाणार आहे.
या आठवडाभरच्या कालावधीत उत्तर महाराष्ट्रासह संभाजीनगर या पाचही जिल्ह्यांमध्ये पाऊस पूर्णपणे ओसरणार आहे. या काळात हवामान मुख्यत्वे कोरडे, निरभ्र आणि उन्हाचे (सनी) राहण्याचा अंदाज आहे. फक्त नाशिक जिल्ह्यात मंगळवारी अंशतः पावसाची शक्यता असून त्यानंतर तिथेही पूर्ण उघडीप राहण्याची शक्यता आहे.
जिल्हानिहाय साप्ताहिक हवामान अंदाज
(मंगळवार ते रविवार)
• नाशिक: मंगळवार (29 सप्टेंबर) रोजी विजांच्या कडकडाटासह वादळी पावसाची 65% शक्यता असून तापमान 29°C पर्यंत खाली येईल. पुढे बुधवार ते रविवार मात्र पाऊस पूर्णपणे थांबेल. बुधवारपासून रविवारपर्यंत स्वच्छ ऊन पडेल. तापमान 31°C ते 32°C आणि हवामान कोरडे होईल.
• जळगाव उद्यापासून आठवडाभर (मंगळवार ते रविवार) हवामान पूर्णपणे कोरडे आणि कडक उन्हाचे राहील. पावसाची कोणतीही शक्यता नाही. ऑक्टोबरच्या सुरुवातीला कमाल तापमान 34°C ते 36°C पर्यंत वाढणार असल्याने दुपारी तीव्र उकाडा जाणवेल.
View this post on Instagram
• धुळे संपूर्ण आठवड्यात पाऊस अजिबात नाही. मंगळवार ते रविवार हवामान मुख्यत्वे निरभ्र आणि प्रखर उन्हाचे असेल. आठवड्याच्या शेवटी (शनिवार-रविवार) कमाल तापमान 35°C ते 36°C च्या आसपास राहू शकते.
• नंदुरबार: पुढील 6 दिवस हवामान पूर्णपणे स्वच्छ आणि कोरडे राहील. पावसाचे सावट पूर्णपणे हटले आहे. दिवसा कडक ऊन आणि कमाल तापमान 33°C ते 34°C च्या दरम्यान स्थिर राहील, तर रात्री सुखद गारवा जाणवेल. किमान तापमान 22°C राहील.
• छत्रपती संभाजीनगर : मंगळवार (29 सप्टेंबर) रोजी आकाश अंशतः ढगाळ राहील, पण पावसाची शक्यता खूपच कमी (15%) आहे. बुधवार ते रविवार: आकाश पूर्णपणे निरभ्र होऊन स्वच्छ सूर्यप्रकाश पडेल. पाऊस नसल्याने हवेतील आर्द्रता कमी होईल. कमाल तापमान 32°C ते 33°C च्या आसपास राहील.
शेतकऱ्यांसाठी महत्त्वाचा सल्ला
पाऊस पूर्णपणे उघडणार असल्याने आणि कडक ऊन पडणार असल्याने शेतकरी बांधवांनी पिकांची काढणी (हार्वेस्टिंग), मळणी आणि फवारणीची कामे विनासायास पूर्ण करून घ्यावीत.
