गुजरात किनारपट्टीवर सलग दोन वादळांचा धोका; भारतीय हवामानशास्त्र विभागाचा इशारा
मुंबई – पहिले चक्रीवादळ 1 ते 3 जून दरम्यान गुजरातच्या किनारपट्टीवर आदळेल, तर हिका नावाचे दुसरे चक्रीवादळ कच्छ येथे पोहोचू शकते. 4 ते 5 जून दरम्यान गुजरातमधील द्वारका, ओखा आणि मोरबीला धडकेल. अरबी समुद्रातील कमी दाबाच्या पट्ट्यामुळे या वादळाची निर्मिती झाली असून प्रशासनाने गुजरातच्या किनारपट्टी भागात सध्या हाय अलर्ट सिग्नल जारी केला आहे.
छायाचित्र सायंकाळी 6 वाजता..
ताशी 120 किलोमीटर वेग
अरबी समुद्रातून येणारे हे चक्रीवादळ जमिनीवर आदळेल तेव्हा वाऱ्याचा वेग ताशी 120 किलोमीटर असेल. हवामान खात्याच्या म्हणण्यानुसार, येत्या 48 तासांत दक्षिण पूर्व आणि पूर्व मध्य अरबी समुद्रावर तीव्र कमी दाबाचे क्षेत्र तयार होईल आणि वेगाने वाढेल.
हे तुफान गुजरात आणि उत्तर महाराष्ट्राच्या किनारपट्टीवर खेटून वायव्येकडे जाणे अपेक्षित आहे. गुजरातमधील या चक्रीवादळामुळे सौराष्ट्र, पोरबंदर, अमरेली, जुनागड, राजकोट आणि भावनगर या जिल्ह्यांचे नुकसान होण्याची शक्यता आहे.
