पुणे : केंद्र सरकारने कांदा निर्यातबंदी केल्यानंतर कांद्याच्या दरात घसरण सुरूच आहे. कांदा निर्यातबंदी आधी कांद्याला 3 हजार रुपये प्रतिक्विंटल दर मिळाला. आता हेच दर 900 ते 1,000 रुपये प्रतिक्विंटल वर आले आहेत. कांदा पिकातून आता उत्पादन खर्चही निघत नसल्यामुळे कांदा उत्पादक शेतकऱ्यांची चिंता वाढली आहे. आज आपण कांदा बाजारभाव जाणून घेणार आहोत.
कांदा हे नगदी पीक मानले जाते. त्यामुळे मनमाड, मालेगावसह नाशिक जिल्ह्यातील शेतकरी कांद्याची लागवड करतात. दरम्यान, महाराष्ट्र राज्य कृषी पणन मंडळाकडून मिळालेल्या माहितीनुसार, आज कांद्याला खेड-चाकण कृषी उत्पन्न बाजार समितीत सर्वसाधारण दर हा 1,200 रुपये प्रतिक्विंटल मिळाला तर जास्तीत जास्त दर हा 1,400 रुपये प्रतिक्विंटल मिळाला. तसेच कांद्याची आज सर्वाधिक आवक ही पुणे बाजार समितीत झाली. येथे कांद्याची 13427 क्विंटल इतकी आवक झाली.
नाशिक जिल्ह्यात कांद्याला असा दर
नाशिक जिल्ह्यातील लासलगाव- निफाड या कृषी उत्पन्न बाजार समितीत काल (दि. 29) रोजी कांद्याला 1,170 रुपये प्रतिक्विंटल दर मिळाला. तसेच लासलगाव- विंचूर कृषी उत्पन्न बाजार समितीत कांद्याची सर्वाधिक आवक झाली. येथे कांद्याची आवक ही 18650 क्विंटल झाली. सिन्नर कृषी बाजार समितीत कांद्याला 950 रुपये प्रतिक्विंटल दर मिळाला.
सौजन्य – (महाराष्ट्र राज्य कृषी पणन मंडळ)
शेतमाल |
परिणाम |
आवक |
सर्वसाधारण दर |
कांदा (30/1/2024) |
|||
| खेड-चाकण | क्विंटल | 250 | 1200 |
| पुणे | क्विंटल | 13427 | 900 |
| पुणे-मोशी | क्विंटल | 467 | 700 |
| कांदा (29/1/2024) | |||
| कोल्हापूर | क्विंटल | 3068 | 1000 |
| अकोला | क्विंटल | 620 | 1300 |
| येवला | क्विंटल | 10232 | 1025 |
| येवला -आंदरसूल | क्विंटल | 12715 | 1050 |
| अमरावती | क्विंटल | 618 | 1150 |
| धुळे | क्विंटल | 715 | 800 |
| लासलगाव – निफाड | क्विंटल | 3635 | 1170 |
| लासलगाव – विंचूर | क्विंटल | 18650 | 1150 |
| मालेगाव-मुंगसे | क्विंटल | 16000 | 1000 |
| सिन्नर | क्विंटल | 3140 | 950 |
| सिन्नर – नायगाव | क्विंटल | 740 | 1000 |
| साक्री | क्विंटल | 470 | 800 |
| यावल | क्विंटल | 200 | 580 |
