मुंबई : Help for farmers… राज्याचे कृषीमंत्री अब्दुल सत्तार नुकसानग्रस्त भागाची पाहणी करण्यासाठी परभणी दौऱ्यावर होते. यावेळी त्यांनी शेतकऱ्यांना लवकरच मदत मिळेल. एकही शेतकरी भरपाई आणि विम्यापासून वंचित राहणार नाही, असे अश्वासन दिलं. त्याशिवाय शेतकऱ्यांसाठी केंद्र सरकारकडे मदत मागू, असेही सांगितलं.
कृषिमंत्री अब्दुल सत्तार काल परभणी दौऱ्यावर होते. त्यांनी जिंतूर आणि असोला या ठिकाणी शेतीच्या नुकसानीची पाहणी केली. त्यानंतर जिल्हाधिकारी कार्यालयामध्ये एक आढावा बैठक घेऊन जिल्ह्यातील नुकसानीचाही त्यांनी आढावा घेतला. यानंतर पत्रकार परिषद घेऊन त्यांनी शेतकऱ्यांना मदत करणार असल्याची माहिती दिली आहे.
भव्य कृषी व दुग्ध प्रदर्शन अ‍ॅग्रोवर्ल्ड 11 ते 14 नोव्हेंबर 2022 @जळगाव..!
अधिक माहिती जाणून घेण्यासाठी खालील लिंकवर क्लिक करा👇
https://youtu.be/1xF7vny7J0I
राज्यात ओला दुष्काळाची घोषणा करण्याची विरोधकांची मागणी
परतीच्या पावसाने राज्याला झोडपलं होतं. या पावसामुळे मराठवाड्यासह राज्यातील शेतकऱ्यांचं मोठ्या प्रमाणात नुकसान झालं आहे. काढणीला आलेल्या पिकामध्ये पाणीच पाणी झाल्यामुळे शेतकऱ्यांना मोठा फटका बसला आहे. शेतकऱ्यांचं नुकसान पाहाता विरोधकांनी राज्यात ओल्या दुष्काळाची घोषणा करा, अशी मागणी केली आहे. तर दुसरीकडे राज्य सरकारकडून शेतकऱ्यांच्या नुकसानीची पाहणी केली जात असून शेतकऱ्यांना लवकरच मदत मिळेल असे सांगितलं जात आहे.
राज्यात मोठ्या प्रमाणावर शेतकऱ्यांचे नुकसान
परभणीत कृषीमंत्री अब्दुल सत्तार यांनी पाहणी दौरा केला. यावेळी बोलताना सत्तार म्हणाले की, राज्यात सर्वत्र मोठ्या प्रमाणावर शेतकऱ्यांचे नुकसान झालेलं आहे. मी स्वतः आणि माझे अधिकारी बांधावर जाऊन किती नुकसान झाले, याची माहिती गोळा करत आहोत. साधारणतः सात आठ दिवसांमध्ये ही माहिती आल्यानंतर मुख्यमंत्री आणि उपमुख्यमंत्री बसून कॅबिनेटमध्ये राज्यातील शेतकऱ्यांना मदतीचा जो काही निर्णय आहे तो घेतील.
केंद्राकडेही आम्ही मदतीसाठी जाणार – अब्दुल सत्तार
केंद्राकडेही आम्ही मदतीसाठी जाणार आहोत. त्यांचेही पथक राज्यात पाहणीसाठी येईल, त्यानंतर केंद्र सरकार, राज्य आणि पीक विमा अशी तीन प्रकारची मदत शेतकऱ्यांना दिली जाईल. एकही शेतकरी पिक विमा पासून किंवा मदतीपासून वंचित राहणार नाही, याची काळजी आम्ही घेत आहोत. तसेच राज्यात ओला दुष्काळात संदर्भात परिस्थिती नाहीये, मी हे 4 वेळेला बोललो आहे. जी काय परिस्थिती आहे ती परिस्थिती आम्ही पाहून शेतकऱ्यांना मदत करणार असल्याचे अब्दुल सत्तार यांनी सांगितले.
शेतकऱ्यांना सक्षम करण्यासाठी सरकार कटिबद्ध
दरम्यान, राज्याचे कृषिमंत्री अब्दुल सत्तार यांनी परभणीच्या जिंतूर तालुक्यातील मालेगाव परिसरातील नुकसानीची पाहणी केली असून यावेळी शेतकऱ्यांशी संवादही साधला तर लवकरच शेतकऱ्यांना मदत (Help for farmers) दिली जाईल, असेही त्यांनी सांगितलं. शिवाय शेतकऱ्यांना सक्षम करण्यासाठी सरकार कटिबद्ध असल्याचेही अब्दुल सत्तार यांनी यावेळी सांगितले.
तुम्हाला हेही वाचायला नक्की आवडेल 👇
