तांत्रिकहॅपनिंग

मध्यप्रदेशातून टोळधाड खान्देशात प्रवेश करण्याची शक्यता..

खान्देशातील शेतकऱ्यांनी टोळधाड कीडीचा प्रतिबंध करण्याचे कृषी विभागातर्फे आवाहन..

जळगाव ( प्रतिनिधी) वाळवंटी टोळ ही कीड अर्थात नाकतोड्याच्या गटातील हा टोळ आपल्याकडे आढळतो. वाळवंटी टोळ जो तांबुस रंगाचा असतो. तो अत्यंत खादाड व नुकसान करणारा आहे. येत्या काही दिवसात मध्यप्रदेशातून ही टोळधाड खान्देशात प्रवेश करण्याची दाट शक्यता आहे.

टोळधाडीचे नियंत्रण व उपाय करण्यासाठी त्यांच्या अंडी घातलेल्या जागा शोधून जमिनीच्या भोवताली चर खोदल्यास त्यांच्या पिलांना अटकाव करणे शक्य होवून नियंत्रणात ठेवता येते.

नीम तेल प्रति हेक्टरी 2.5 लिटर फवारणी करावी, मिथील पॅराथीआन 2 टक्के भूकटी 25 ते 30 किलो प्रति हेक्टरी धुरळणी करावी, बेंडीओकार्ब 80 डब्ल्युपी, क्लोरोपायरीयाफॉस 20 ईसी, 50 ईसी, डेल्टामेथ्रीन 2.8 युएलव्ही, डायफ्लुबेंझुरॉन 25 ईसी, लॅम्ब्डा सायहॅलोथ्रीन 5 ई.सी व 10 डब्लूपी, मॅलाथिऑन 50 ईसी, 25 ईसी व 95 युएलव्ही या किटकनाशकांची टोळ नियंत्रणासाठी शिफारस अलिकडेच केंद्रीय किटकनाशक मंडळ व नोदणी समितीने केलेली आहे.

या टोळचा प्रतिबंध शेतकऱ्यांनी सामुहिकपणे करणे आवश्यक आहे. अधिक माहिती तथा मार्गदर्शनासाठी तालुका कृषी अधिकारी आणि जिल्हा अधिक्षक कृषी अधिकारी या कार्यालयाशी संपर्क साधून आपल्या कृषीधनाचे नुकसान टाळावे, असे आवाहन जळगावचे जिल्हा अधिक्षक कृषी अधिकारी संभाजी ठाकूर यांनी केले आहे.

Related Articles

Back to top button