मुंबई : राज्यातील काही भागात पावसाचा जोर कमी झाला आहे. तर काही ठिकाणी भारतीय हवामान विभागाने (IMD) मुसळधार पावसाचा इशारा दिला आहे. कोकणातील काही भागात आज अतिमुसळधार पावसाचा अंदाज वर्तविण्यात आला आहे. तसेच रायगड, रत्नागिरी आणि सिंधुदूर्ग या जिल्ह्यांमध्ये काही ठिकाणी आज मुसळधार ते अतिमुसळधार पावसाचा अंदाज असून हवामान विभागाकडून ऑरेंज अलर्ट देण्यात आला आहे.
या जिल्ह्यांना मुसळधार पावसाचा इशारा
मुंबई, पुणे, पालघर, ठाणे, सातारा, कोल्हापूर, हिंगोली, नांदेड, चंद्रपूर, गोंदिया आणि गडचिरोली या जिल्ह्यांना हवामान विभागाकडून (IMD) मुसळधार पावसाचा इशारा देण्यात आला असून याठिकाणी यलो अलर्ट देण्यात आला आहे.
जळगाव, धुळे, नंदुरबार, नाशिक, छ. संभाजीनगर, जालना, बीड, अहमदनगर, परभणी, सोलापूर, लातूर, उस्मानाबाद, सांगली, बुलढाणा, अकोला, वाशिम, यवतमाळ, अमरावती, वर्धा, नागपूर आणि भंडारा या जिल्ह्यांना हवामान विभागाकडून (IMD) कोणताही अलर्ट देण्यात आला नाही.
तुम्हाला हेही वाचायला नक्की आवडेल 👇
