नवीन कांदा बाजारात येण्यास उशीर झाल्याने दरात वाढ

पुणे : सध्या देशभरात कांद्याच्या दरात वाढ झाल्याचे दिसून येत आहे. खरीप हंगामातील नवीन कांदा बाजारात येण्यास उशीर होत असल्याने ही वाढ झाल्याचे जाणकारांकडून सांगण्यात येत आहे. दरम्यान, या परिस्थितीमुळे कांद्याच्या दरावर परिणाम झाला असून आज (दि. 8) रोजी आपण कांद्याला कोणत्या बाजार समितीत किती दर मिळाला ?, कांद्याची सर्वाधिक आवक कुठे झाली ?, हे जाणून घेणार आहोत. आज (दि. 8) रोजी कांद्याला पुणे- पिंपरी कृषी उत्पन्न बाजार समिती सर्वसाधारण दर हा 3 हजार 600 रुपये प्रति क्विंटल मिळाला तर आवक 10 क्विंटल इतकी आवक झाली. तसेच वाई कृषी बाजार समितीत कांद्याला तीन हजार रुपये दर मिळाला.

दरम्यान, नाशिक जिल्ह्यातील लासलगाव कृषी बाजार समितीसह जिल्ह्यातील सर्वच बाजार समित्या दिवाळीनिमित्त दहा दिवस बंद राहणार आहेत. यामुळे येथील शेतकऱ्यांना कांदा विक्री ही दहा दिवसानंतरच करता येणार आहे. व्यापा-यांच्या खळ्यावरील कामगार हे दिवाळीनिमित्त सुट्टीवर जात असल्याने दरवर्षी दहा दिवस बाजार समित्या बंद असतात.

सौजन्य – (महाराष्ट्र राज्य कृषी पणन मंडळ)

सूचना :- बाजार समितीतील आवकनुसार दरात बदल होऊ शकतो. तरी शेतकऱ्यांनी संबंधित बाजार समिती व व्यापाऱ्यांशी संपर्क साधूनच शहानिशा करावी. याचा ॲग्रोवर्ल्डशी प्रत्यक्ष व अप्रत्यक्षरित्या कोणताही संबंध नसेल.

तुम्हाला हेही वाचायला नक्की आवडेल 👇

• कापूस उत्पादक शेतकऱ्यांच्या मदतीला आता ‘गुगल’ची धाव
• योग क्रांतीनंतर पतंजली आता देशात घडवून आणणार ग्रामविकास क्रांती