हॅपनिंग

खासदार स्व. हरीभाऊ जावळे यांचा स्मृतीदिन १६ जून हा दिवस जळगाव जिल्ह्यात “केळी उत्पादक शेतकरी दिवस” (Banana Growing Farmers Day) म्हणून साजरा करण्याची जिल्हा प्रशासनाकडे खासदार उन्मेश पाटील यांची मागणी

जळगाव — जिल्ह्याची ओळख ही केळी उत्पादक जिल्हा म्हणून आहे. जळगाव जिल्ह्यातील केळी उत्पादक शेतकऱ्यांच्या विविध अडचणी, मागण्या वेळोवेळी शासन दरबारी मांडण्याचे काम शेतकरी नेते व माजी खासदार स्व. हरीभाऊ जावळे यांनी केले आहे. त्यांच्या जीवनाच्या शेवटच्या क्षणापर्यंत जळगाव जिल्ह्यातील केळी उत्पादक शेतकऱ्यांना शाश्वत उत्पन्न कशा प्रकारे मिळेल, याबाबत ते प्रयत्न करीत राहिले. स्व. हरीभाऊ जावळे यांचा स्मृतीदिवस १६ जून रोजी असून या दिवशी कायमस्वरूपी त्यांचे स्मरण व्हावे व केळी उत्पादक शेतकऱ्यांना शाश्वत आर्थिक स्थैर्य मिळावे, हा व्यापक दृष्टीकोन समोर ठेवून हा दिवस जळगाव जिल्ह्यात “केळी उत्पादक शेतकरी दिवस” म्हणून साजरा करणे बाबत विचार व्हावा, अशी मागणी खासदार उन्मेश पाटील यांनी जिल्हाधिकारी यांचेकडे पत्राद्वारे केली आहे.

अ‍ॅग्रोवर्ल्डतर्फे जळगावात गोड्या पाण्यातील मत्स्य शेतीवर 8 जानेवारीला कार्यशाळा.. आता त्रिस्तरीय मत्स्य पालनातून मिळवा तिप्पट उत्पन्न..

खासदार उन्मेश पाटील यांनी या पत्रात म्हटले आहे की या दिवशी जिल्ह्यातील केळी उत्पादक शेतकरी, कृषी विभागाचे, विद्यापीठाचे, संशोधन केंद्राचे अधिकारी, केळी पिकातील शास्त्रज्ञ व तज्ज्ञ, केळी निर्यातदार यांचे संयुक्तिक संमेलन आयोजित करण्यात यावे. जेणेकरून जळगाव जिल्ह्यातील केळी उत्पादकांचा शाश्वत विकासाच्या दृष्टिकोनात स्व. हरीभाऊंनी पाहिलेले स्वप्न पूर्णत्वास नेण्याच्या दृष्टीने प्रयत्न होतील, अशी अपेक्षा खासदार उन्मेश पाटील यांनी केली आहे.

शुद्ध घ्या.. शुद्ध खा.. तेही माफक दरात.. अ‍ॅग्रोवर्ल्ड मार्फत जळगाव शहरात 8 जानेवारीला अस्सल व भेसळमुक्त प्रसिद्ध सांगलीची सेलम हळद पावडर उपलब्ध..

Related Articles

Back to top button