* शेतकरी मित्रांनो, महाराष्ट्रात ट्रॅक्टर सबसिडी मिळते, हे तर आपल्याला माहितीच असेल. विशेषत: अनुसूचित जाती/जमाती, महिला आणि अल्पभूधारक शेतकऱ्यांना ट्रॅक्टर खरेदीसाठी सरकारकडून प्रोत्साहित केले जात आहे. ही ट्रॅक्टर सबसिडी नेमकी किती मिळते आणि ती कशी मिळवायची, ते आम्ही तुम्हाला सांगणार आहोत.
* ही सबसिडी सर्व ब्रँडच्या 8 HP ते 70 HP पर्यंत ट्रॅक्टरसाठी लागू आहे, फक्त अर्जदार पात्र असावा लागतो. त्यासाठी अर्जाची प्रक्रिया आणि कागदपत्रांची माहितीही इथे देत आहोत. अर्ज कसा भरायचा त्याचे स्टेप-बाय-स्टेप गाईडही आपल्याला मार्गदर्शक ठरेल.
अशी मिळते ट्रॅक्टर सबसिडी
* सामान्य शेतकरी – 25% सबसिडी (जास्तीत जास्त ₹75,000 ते ₹1,00,000)
2. एससी/एसटी, महिला, अल्पभूधारक – 35% ते 50% सबसिडी (जास्तीत जास्त ₹3.15 लाख किंवा काही प्रकरणात ₹5 लाख)
3. पीएम किसान ट्रॅक्टर योजना – केंद्र सरकारच्या या योजनेतून शेतकऱ्यांना 20% ते 50% पर्यंत सबसिडी मिळू शकते.
> अनुसूचित जाती/जमाती, महिला, अल्पभूधारक शेतकऱ्यांना काही काही औजारांवर, यंत्रांसाठी ही सबसिडी 60% पर्यंत जाऊ शकते, पण ट्रॅक्टरसाठी सर्वसाधारणपणे 50% पर्यंत सबसिडी मिळू शकते.
ट्रॅक्टर सबसिडी अर्जासाठी आवश्यक कागदपत्रे
* अर्जासाठी खालील कागदपत्रे लागतात:
1. आधार कार्ड
2. 7/12 उतारा (जमिनीचा दाखला)
3. बँक पासबुक
4. जात प्रमाणपत्र (जर लागू असेल तर)
5. रहिवासी प्रमाणपत्र
6. पासपोर्ट साईज फोटो
कुठे करायचा ट्रॅक्टर सबसिडी अर्ज?
• ट्रॅक्टर सबसिडीसाठी शेतकऱ्यांना “महाडीबीटी” या पोर्टलवरून अर्ज करता येतो. महाडीबीटी पोर्टलवर लॉगिन करून “शेती यंत्र सबसिडी” योजनेत अर्ज करायचा असतो.
अर्ज कसा भरायचा? स्टेप-बाय-स्टेप गाईड
* महाडीबीटी पोर्टलवर ट्रॅक्टर सबसिडी मिळवण्यासाठी अर्ज करण्याची स्टेप-बाय-स्टेप प्रक्रिया:
1. महाडीबीटी वेबसाईटवर जा. खालील नवीन नोंदणी लिंकवर जा – https://mahadbt.maharashtra.gov.in/RegistrationLogin/RegistrationLogin
2. “नवीन नोंदणी” करा आणि लॉगिन करा. आधी रजिस्ट्रेशन केलेले असल्यास लॉगिन करा.
3. “शेती यंत्र सबसिडी” किंवा “कृषी यांत्रिकीकरण” योजना निवडा.
4. आवश्यक माहिती भरा आणि कागदपत्रे अपलोड करा.
5. अर्ज सबमिट करा आणि अर्ज क्रमांक जतन करा.
