मुंबई : IMD 20 Aug 2024 महाराष्ट्रात ऑगस्टच्या दुसऱ्या आठवड्यापासून पावसाने विश्रांती घेतली. अधूनमधून काही भागात हलक्या सरींनी हजेरी लावली असून उन्हाच्या उकाड्याने नागरिक बेहाल झाले होते. या दीर्घ विश्रांतीनंतर जळगाव जिल्ह्यासह राज्यातील काही जिल्ह्यांत पावसाचे पुनरागमन झाले आहे. राज्यात पावसाचा जोर पुन्हा एकदा वाढला असून आजही अनेक जिल्ह्यांमध्ये भारतीय हवामान विभागाकडून (IMD 20 Aug 2024) मुसळधार पावसाचा इशारा देण्यात आला आहे.
राज्यात पुढील काही दिवस पावसाचा अंदाज असून हवामान विभागाने कोकण, मध्य महाराष्ट्रात मुसळधार पावसाचा अंदाज वर्तविला आहे. दक्षिण बांगलादेश आणि परिसरावर कमी दाबाचे क्षेत्र कायम आहे. दरम्यान, ही प्रणाली वायव्येकडे सरकण्याचा अंदाजही हवामान विभागाने वर्तविला आहे. तसेच तामिळनाडू, कोमोरिनपर्यंत हवेचा कमी दाबाचा पट्टा विस्तारला आहे.
IMD 20 Aug 2024 : जळगाव जिल्ह्यासह या जिल्ह्यांत मुसळधार पावसाचा इशारा
जळगाव जिल्ह्याला यलो अलर्ट देण्यात आला असून हलक्या गडगडाटासह मध्यम पाऊस पडणार असल्याचा अंदाज आहे. तसेच धुळे, नंदुरबार, नाशिक, छ. संभाजीनगर, अमरावती, अहमदनगर, अकोला, उस्मानाबाद, कोल्हापूर, गडचिरोली, गोंदिया, चंद्रपूर, जालना, ठाणे, नागपूर, नांदेड, परभणी, पालघर, पुणे, बीड, बुलढाणा, भंडारा, मुंबई शहर, यवतमाळ, रत्नागिरी, रायगड, लातूर, वर्धा, वाशीम, सांगली, सातारा, सिंधुदुर्ग, सोलापूर, हिंगोली या जिल्ह्यांना देखील आज यलो अलर्ट देण्यात आला असून हवामान विभागाकडून (IMD 20 Aug 2024) मुसळधार पावसाचा इशारा देण्यात आला आहे.
जळगाव जिल्हातील आजची (20 ऑगस्ट 2024) तालुका मुख्यालयाची पर्जन्यमान आकडेवारी
मुक्ताईनगर -23
अमळनेर-57.8
यावल -26.3
पाचोरा -5
जामनेर -7
एरंडोल -25
रावेर -10
बोदवड-8
धरणगाव -21
जळगाव -18
