प्रतिनिधी/अकोला
महाराष्ट्र राज्य बियाणे महामंडळ मर्यादित म्हणजे महाबीज. शेतकऱ्यांची पहिली पसंत अशी ओळख असलेल्या या महामंडळावर गेल्या काही दिवसांपासून व्यवस्थापकीय संचालक पदाबाबत नाट्यमय घडोमोडी घडत आहेत. एका दिवसासाठी या पदावर नियुक्त झालेले जी.श्रीकांत यांची औरंगाबादला सेल टॅक्स विभागात बदली झाल्यानंतर रिक्त झालेल्या या पदावर राहुल रेखावार यांची नियुक्ती झाली असून त्यांनी कार्यभार स्वीकारला आहे.
या २०११ च्या बॅचचे आयएएस दर्जाचे अधिकारी असलेल्या रेखावार यांनी याआधी बीड, धुळे या ठिकाणी जिल्हाधिकारी म्हणून सेवा बजावली आहे. तर परभणी महापालिकामध्ये आयुक्त म्हणून सेवा बजावली आहे. नांदेड येथे प्राथमिक व माध्यमिक शिक्षण घेतल्यानंतर रेखावार यांनी बिर्ला इन्स्टिट्यूट ऑफ टेक्नॉलॉजी अँड सायन्स, पिलानी, राजस्थान येथे बी.ई. (ऑनर्स) इलेक्ट्रिकल आणि इलेक्ट्रॉनिक्स मध्ये २००५ ला पूर्ण केले. आजवर त्यांनी सिधुदुर्ग, गडचिरोली, नागपूर, हिंगोली, परभणी, धुळे, औरंगाबाद, बीड अश्या विविध ठिकाणी आपल्या प्रशासकीय कामाची छाप पडली आहे.
