आंब्यावर पहिली फवारणी ही पोपटी रंगाच्या पालवीवर मोहोर येण्यापूर्वी करावी. डेल्टामेथ्रीन (2.8 ईसी) 0.9 मि.लि. प्रतिलिटर पाणी या प्रमाणे फवारणी करावी. या फवारणीमुळे पावसाळ्यानंतर कोवळ्या फुटीवर येणाऱ्या तुडतुड्यांपासून संरक्षण होते.
दुसरी फवारणी बोंगे फुटताना
लॅमडा सायहॅलोथ्रीन (5 ईसी) 0.6 मि.लि. प्रतिलिटर पाणी प्रमाणे फवारणी करावी.या फवारणीमध्ये भुरी भुरी नियंत्रणासाठी, हेक्झाकोनॅझोल (5 ईसी) 0.5 मि.लि. किंवा सल्फर (80 डब्ल्यूजी) 2 ग्रॅम; तसेच ढगाळ, पावसाळी वातावरण असल्यास, करपा नियंत्रणासाठी कार्बेन्डाझीम मॅन्कोझेब (संयुक्त बुरशीनाशक) 1 ग्रॅम प्रतिलिटर पाणी प्रमाणे मिसळून फवारावे.
तिसरी फवारणी
दुसऱ्या फवारणीनंतर 15 दिवसांनी फवारणी करावी. इमिडाक्लोप्रीड (17.8 एसएल) 0.3 मि.लि. प्रतिलिटर पाणी प्रमाणे फवारणी करावी.
तिसऱ्या, चौथ्या व पाचव्या फवारणीवेळी कीटकनाशक द्रावणामध्ये ‘भुरी नियंत्रणासाठी, हेक्झाकोनझोल (5 ईसी) 0.5 मि.लि. प्रतिलिटर पाणी प्रमाणे मिसळून वापरावे. हेक्झाकोनॅझोल उपलब्ध नसल्यास, सल्फर (80 डब्ल्यूजी) 2 ग्रॅम; तसेच ढगाळ, पावसाळी वातावरण असल्यास, करपा नियंत्रणासाठी कार्बेन्डाझीम + मॅन्कोझेब (संयुक्त बुरशीनाशक) 1 ग्रॅम प्रतिलिटर पाणी प्रमाणे मिसळून फवारावे.
चौथी फवारणी
तिसऱ्या फवारणीनंतर 15 दिवसांनी ही फवारणी करावी. थायमेथोक्झाम (25 डब्ल्यूजी) 0.1 ग्रॅम प्रतिलिटर पाणी प्रमाणे फवारणी करावी.
पाचवी फवारणी
ही फवारणी चौथ्या फवारणीनंतर 15 दिवसांनी करावी. डायमेथोएट (30 ईसी) 1 मि.लि. किंवा लॅमडा सायहॅलोथ्रीन (5 ईसी) 0.6 मि.लि. प्रतिलिटर पाणी प्रमाणे फवारणी करावी.
सहावी फवारणी
पाचव्या फवारणीनंतर 15 दिवसांनी ही फवारणी करावी. तुडतुड्यांचा प्रादुर्भाव आर्थिक नुकसानीच्या पातळीवर असल्यासच ही फवारणी करावी. पाचव्या फवारणीसाठी सुचविलेल्या कीटकनाशकांपैकी न वापरलेल्या कीटकनाशकाची फवारणी करावी.
(कंटेंट सौजन्य : ADT/KVK, बारामती & रेनट्री)
