ब्रॉयलर कॉन्ट्रॅक्ट फार्मिंग करणाऱ्या कंपन्या शेतकर्यांना खालील सुविधा पुरवतात ः-
1) उच्च प्रतीचे एक दिवसीय वयाचे पिल्लू
2) सुमारे 3100 ते 3200 किलो कॅलरीज असणारे प्रोटीनयुक्त व शक्तीदायी फिड.
3) पक्षाचे कुठल्याही प्रकारच्या रोगराईपासून निवारण करण्यासाठी लसी व औषधे.
4) पोल्ट्री शेडचे बॅक्टेरियापासून वगैरे संरक्षण होण्यासाठी आवश्यक असणारी जंतुनाशके.
वरील सर्व सोयी या शेतकर्याच्या फार्मवर कुठल्याही प्रकारचा मोबदला न घेता पुरवल्या जातील. शेतकरी पोल्ट्री फार्मिंगसाठी आवश्यक असणारे शेड उपलब्ध करून देतील. तसेच शेतकरी वीज, पाणी, मजूर व ब्रुडींग कृत्रिम उब देण्याचा सर्व खर्च करतील. शेतकरी हे पक्षी (कोंबड्या) 40 दिवसांपर्यंत वाढवतील व त्यानंतरचे 10 दिवस हे फार्मची स्वच्छता आणि निर्जंतुकीकरण करण्यासाठी राखीव ठेवले जातील.
कंपनीकडून पोल्ट्री फार्मला भेट व मार्गदर्शन तसेच इन्सेटीव्हही मिळू शकेल
कंपनीचे तंत्रज्ञ पोल्ट्री फार्मला भेट देतील व शेतकर्यांना वेळोवेळी योग्य मार्गदर्शन करतील. पक्षी तयार झाल्यावर कंपनी स्वतः पक्षी गोळा करेल. त्याकरीता शेतकर्याने विक्री व्यवस्था करावयाची गरज भासणार नाही. कंपनीने ठरविलेल्या स्टॅण्डर्डनुसार पक्षी वाढविल्याबद्दल शेतकर्यांना मोबदला म्हणून फी दिली जाईल. मोबदला म्हणून मिळणार्या फी खेरीज शेतकर्यांना सुयोग्य वापर करून उरलेल्या फीडसाठी इन्सेटीव्ह तसेच मृत्युसंख्या कमीत कमी ठेवल्याबद्दल इन्सेन्टीव्ह मिळेल. सदरचा अतिरिक्त मोबदला (इन्सेन्टीव्ह) हा कंपनीच्या त्या त्या वेळेच्या योजनेनुसार असेल. या सर्व सोयी सुविधांचा लाभ मिळण्यासाठी तसेच कंपनीची योजना कार्यरत करण्यासाठी शेतकर्याला कंपनीबरोबर करार करावा लागेल.
जळगावात मंगळवारी 19 ऑक्टोबरला अॅग्रोवर्ल्ड आयोजीत एकदिवसीय कुक्कुटपालन कार्यशाळा; प्रवेश मर्यादित..
शेतकर्याला मिळणारे फायदे ः-
* शेतकर्याला उत्तम दर्जाच्या पक्षांचा पुरवठा, फीड, लसी व औषधे याची काळजी राहणार नाही.
* चालू भांडवल (वर्किंग कॅपिटल) मध्ये गुंतवणूक करावी लागणार नाही.
* कायमस्वरुपी तसेच चांगले उत्पन्न वर्षभर मिळेल.
* बाजारभावात होणार्या बदलांनी चढ- उतारांची काळजी असणार नाही.
कंपनीस शेतकर्यांकडून असलेल्या अपेक्षा
* कंपनी स्टॅण्डर्डनुसार फार्मचे चोख व्यवस्थापन.
* पक्षांना उत्तम प्रकारची सुविधा तसेच पोषक वातावरण.
* स्टॅण्डर्डनुसार 2.0 फीड कर्न्व्हेशन गुणोत्तर.
* किमान ठरलेल्या % नुसार पक्षी जिवंत राहतील एवढे स्टॅण्डर्ड.
* पक्षाचे सरासरी वजन 40 दिवसात 1.5 किलोग्रॅम इतके असावे.
स्किमचे अर्थशास्त्र ः-
पक्षी सांभाळण्यासाठी लागणारा खर्च प्रती पक्षी यानुसार रक्कम रु. (बाजारदरानुसार किंमत कमी जास्त होऊ शकते)
1. लिटर 0.55
2. गॅस ब्रुडींग 0.56
3. वीज 0.17
4. मजुरी 0.90
5. इतर खर्च 0.50
6. समयोचित खर्च 1.00
एकूण 3.68
प्रत्येक पक्षामागे मिळणारे उत्पन्न
1. पालन पोषण फी 1.5 कि. ग्रॅ. च्या पक्षासाठी 6.00
2. खत 0.20
3. गनी बॅग्ज विकून मिळणारा नफा 0.48
एकूण 6..68
थव्यातील प्रत्येक पक्षामागे मिळणारे निव्वळ उत्पन्न 3.00
1. वर्षभरात तयार होणारे एकंदर थवे 7
2. वर्षभरात एक स्क्वेअरफिट मागे एक पक्षास ठेवाव्या लागणार्या जागेबद्दल मिळणारे उत्पन्न 21.00
उदाहरणार्थ ः- एकावेळी 10000 पक्षी सांभाळण्याची क्षमता असणार्या शेतकर्यास खालीलप्रमाणे उत्पन्न मिळू शकेल.
प्रत्येक पक्षामागे मिळणारे उत्पन्न 3.00
एकंदर पक्षी 10,000
प्रत्येक थव्यामागे मिळणारे उत्पन्न 30,000
वर्षभरातील एकंदर थवे 7
वर्षाचे एकंदर उत्पन्न 2 लाख 10 हजार रु.
शेतकर्यास मिळणारे अतिरिक्त फायदे ः-
अ) लिव्हॅबीलीटी इन्सेन्टिव्ह – जास्तीत जास्त पक्षी जिवंत राहिल्याबद्दल टक्केवारी
96 टक्के 97 टक्के 98 टक्के
जास्तीचे पक्षी 50 100 150
एकंदर इन्सेटिव्ह रु. 1500 3750 5628
ब) फिड कनर्व्हशन (खाद्य गुणोत्तर) इन्सेटिव्ह
एफ. सी. आर. 1.95 1.9 1 .85
इन्सेन्टीव्ह रु. 1000 2000 3000
प्रत्येक पक्षामागे रु. 0.5 रु. 1.15 रु. 1.72
करार करताना शेतकऱ्यांनी घ्यावयाची काळजी.. ः-
* पायरी पहिली परिस्थितीची पाहणी
* पायरी दुसरी कॉन्ट्रॅक्ट ग्रोअरची माहिती
* पायरी तिसरी साईट इन्स्पेक्शन
* पायरी चौथी लेटर ऑफ इन्टेन्ट (होकाराचे पत्र)
* पायरी पाचवी साईट इन्स्पेक्शन रिपोर्टचे परिक्षण
* पायरी सहावी साईट अप्रूव्हल (जागेचा स्विकार)
* पायरी सातवी अप्लिकेशन फार्म अप्रुव्हल
* पायरी आठवी कमीटमेंट लेटर
* पायरी नववी पत परिक्षण
* पायरी दहावी करारावर सह्या
* पायरी अकरावी पक्षी (चिक्स) फार्ममध्ये ठेवणे.
(स्तोत्र :- अॅग्रोवर्ल्ड प्रकाशन)
