ग्राम कृषी संजीवनी समित्या स्थापन करण्याचे शासनाचे आदेश
प्रतिनिधी,पुणे
नानाजी देशमुख कृषी संजीवनी प्रकल्पांतर्गत ग्राम कृषी संजीवनी समित्या स्थापन करणार करण्याचे आदेश शासनाने दिले आहे. त्यानुसार शेतीच्या विकासासाठी गाव पातळीवर या समित्या स्थापनेची प्रक्रिया सुरू करण्यात आली आहे, अशी माहिती कृषी विभागाच्या सूत्रांनी दिली असून कृषी विकासासंदर्भातील कामांचे सूक्ष्म नियोजन प्रकल्पाची अंमलबजावणी करण्याचे काम या समित्यांमार्फत केले जाणार आहे.
या समित्यांमध्ये सरपंच हा पदसिद्ध अध्यक्ष असून, उपसरपंच हा पदसिद्ध सदस्य असतील. संबंधित गावातील कृषी व ग्राम विकास क्षेत्राशी संबंधित असलेल्या एकूण १३ व्यक्तींचा समावेश असेल. समित्या स्थापन करण्यासंदर्भात तातडीने कार्यवाही हाती घेण्यात आली आहे, अशी माहिती विभागीय कृषी विभागाकडून प्राप्त झाली.
समितीच्या जबाबदाऱ्या
*नानाजी देशमुख कृषी संजीवनी प्रकल्पांतर्गत गावांचे सविस्तर प्रकल्प नियोजन करणे
*सविस्तर प्रकल्प आराखड्यास ग्रामसभेची मान्यता घेणे.
*प्रकल्पाच्या मार्गदर्शक सूचनांनुसार पात्र शेतकऱ्यांची संबंधित घटकाच्या लाभासाठी निवड करणे.
*गरजेनुसार शेतकऱ्यांना स्थानिक बँकेकडून अर्थसाह्य मिळवून देण्यासाठी पुढाकार घेणे
*घेतलेल्या कर्जाची वेळेत परतफेड करण्यास प्रोत्साहन देणे
आदी कामे या समितीमार्फत करण्यात येणार आहेत
