डिजीएफटी, ॲग्रोवर्ल्ड व आत्मा यांच्या संयुक्त विद्यमाने आयोजीत कृषी शेतमाल निर्यात संधी या कार्यशाळेत पालकमंत्र्याचे आवाहन
प्रतिनिधी (जळगांव)
गेल्या काही वर्षापासून शेतीमधील तंत्रज्ञानात मोठा बदल होतोय, शेतकरी निर्याती बद्दल बोलू लागला आहे. आता नोकरी मागणार नाही, तर रोजगार देणारा शेतकरी तयार होतोय याचा आनंद आहे. शेतकऱ्यांनी निर्यातक्षम उत्पादन घेऊन निर्यातीच्या क्षेत्रात पुढे यावे. या क्षेत्रात मोठ्या संधी आहेत, असे आवाहन पालकमंत्री गुलाबराव पाटील यांनी काढले ते विदेश व्यापार महानिर्देशनालयच्या ॲग्रोवर्ल्ड व आत्मा कृषी विभाग यांच्या संयुक्त विद्यमाने आयोजित निर्यात बंधू शेतमाल कार्यशाळा प्रसंगी जिल्हा नियोजन समिती सभागृह जळगाव येथे बोलत होते.
याप्रसंगी विदेश व्यापार महानिर्देशनालयचे दशरथ पराते , अनिल कणसे, जिल्हा अधीक्षक कृषी अधिकारी संभाजी ठाकूर, कृषी उपसंचालक अनिल भोकरे , जिल्हा अग्रणी बँकेचे अरुण प्रकाशजी, प्रकल्प उपसंचालक आत्माचे संजय पवार, नाबार्डचे श्रीकांत झांबरे, जिल्हा उद्योग केंद्राचे साहेबराव पाटील, ॲग्रोवर्ल्डचे संपादक शैलेंद्र चव्हाण, केळी निर्यातदार शेतकरी प्रेमानंद महाजन, सदानंद महाजन आदींची उपस्थिती होती.
शेतीला दुग्ध व्यवसाय तसेच पूरक व्यवसायाची जोड दिल्यास शेती अधिक फायद्याची होऊ शकते असे ही यावेळी बोलतांना पालकमंत्री म्हणाले. यावेळी बोलताना विदेश व्यापार महानिर्देशनालयचे कणसे म्हणाले कार्यशाळेला उपस्थित तरुण शेतकरी नक्कीच निर्यातीबाबत विचार करतील आणि त्यांच्या माध्यमातून देशाला जास्तीत जास्त परकीय चलन मिळवून देईल. श्री. पराते यांनी डिजीएफटीची भूमिका विषद केली. जैन इरिगशनचे अंतराष्ट्रीय तज्ज्ञ के. बी. पाटील यांनी जिल्ह्यातील शेतकऱ्यांनी आपल्या मानसिकतेत बदल करुन निर्यातक्षम शेतमाल तयार करावा. स्करटिंग बॅगचा वापर करण्याचे आवाहन केले .
आत्माचे प्रकल्प उपसंचालक संजय पवार व ॲग्रोवर्ल्डच्या प्रविण देवरे यांनी कार्यक्रमाचे सूत्रसंचालन केले. कृषी उपसंचालक अनिल भोकरे यांनी कार्यक्रमाचा समारोप केला.
