कांद्याला आज काय भाव मिळाला ? ; वाचा आजचे कांदा बाजारभाव

पुणे : केंद्र सरकारने फेब्रुवारी महिन्यात कांदा निर्यातबंदी उठविली. तसेच बांगलादेश आणि युएईला कांदा निर्यात करण्याची मान्यता दिली. मात्र, कांद्याचे भाव बघितले तर कांद्याचे दर स्थिर असल्याचे दिसून येत आहे. आज आपण कांदा बाजारभाव जाणून घेणार आहोत.

कांदा निर्यातीवर बंदी घातल्यानंतर जगातील अनेक देशांमध्ये कांदा पुरवठ्याचे संकट निर्माण झाले होते. यानंतर केंद्र सरकारने फेब्रुवारी महिन्यात कांद्यावरची निर्यातीवरील बंदी उठवली. नंतर मार्च महिन्यात केंद्र सरकारने बांगलादेश आणि युएईला कांदा निर्यात करण्याची मान्यता दिली. यानुसार युएईला 14,400 टन तर बांगलादेशला 64,400 टन कांदा निर्यात केला जाणार असल्याचे म्हटले होते. मात्र, या निर्णयानंतर कांद्याचे दर स्थिर असल्याचे दिसून येत आहे.

महाराष्ट्र राज्य कृषी पणन मंडळाकडून प्राप्त झालेल्या माहितीनुसार, कांद्याला आज पुणे- पिंपरी कृषी उत्पन्न बाजार समितीत जास्तीत जास्त दर हा 1600 रुपये प्रति क्विंटल मिळाला तर सर्वसाधारण दर हा 1500 रुपये प्रति क्विंटल मिळाला. तसेच काल (दि. 15 रोजी) लासलगाव कृषी उत्पन्न बाजार समितीत कांद्याची आवक ही 3304 क्विंटल झाली असून कांद्याला जास्तीत जास्त दर हा 1752 रुपये प्रति क्विंटल मिळाला.

सौजन्य – (महाराष्ट्र राज्य कृषी पणन मंडळ)

सूचना :- बाजार समितीतील आवकनुसार दरात बदल होऊ शकतो. तरी शेतकऱ्यांनी संबंधित बाजार समिती व व्यापाऱ्यांशी संपर्क साधूनच शहानिशा करावी. याचा ॲग्रोवर्ल्डशी प्रत्यक्ष व अप्रत्यक्षरित्या कोणताही संबंध नसेल.

तुम्हाला हेही वाचायला नक्की आवडेल 👇

• कापसाच्या भावात वाढ ; येथे मिळतोय सर्वाधिक दर
• आजचे केळी बाजारभाव ; वाचा केळीला कुठे मिळाला सर्वाधिक भाव