कापूस विकण्यासाठी आता घरबसल्या करा देशभरातील बाजार समित्यांत बुकिंग!

कापूस विकण्यासाठी शेतकऱ्यांना आता घरबसल्या देशभरातील कोणत्याही बाजार समित्यांत बुकिंग करता येणार आहे. त्यासाठी भारतीय कपास निगम लिमिटेड (CCI) द्वारे तयार “कपास किसान” हे मोफत ॲप तयार करण्यात आले आहे. मध्य प्रदेशातील खरगोन मंडीतून सध्या प्रायोगिक तत्त्वावर या सुविधेची सुरुवात करण्यात येणार आहे. लवकरच ती देशभरातील सर्व प्रमुख बाजार समित्यांत उपलब्ध करून दिली जाणार आहे.

‘कपास किसान’ ॲप लॉन्च झाल्याने आता शेतकऱ्यांना बाजार समितीत रांगा लावून तासनतास थांबण्याची गरज नाही. या ॲपमुळे शेतकरी घरबसल्या ऑनलाइन विक्रीसाठी आपला स्लॉट म्हणजे वेळ बुक करू शकतात. 4 सप्टेंबर 2025 पासून मध्यप्रदेशातील खरगोन येथील अ श्रेणी कपास मंडीत हमी किंमतीत (MSP) कापूस खरेदी सुरू होईल. यामुळे मंडीमध्ये जास्त वेळ थांबण्याची गरज नाही आणि प्रक्रिया अधिक पारदर्शक व सोपी होईल. शेतकऱ्यांनी आधार, सात-बारा उतारा, आणि इतर आवश्यक कागदपत्रांसह 1 ते 30 सप्टेंबर दरम्यान नोंदणी करावी. कपास किसान हे अ‍ॅप बहुभाषिक असून, मध्यप्रदेश आणि महाराष्ट्रातील शेतकरी मोठ्या प्रमाणावर याचा उपयोग करतील. यामुळे शेतकऱ्यांना त्यांच्या उत्पादनाचा सर्वोत्तम दर मिळविण्यात आणि वेळ वाचवण्यास मदत होईल.

कपास किसान ॲप काय आहे?
– हे भारतीय कपास निगम लिमिटेड (CCI) द्वारे तयार केलेले मोफत मोबाइल ॲप आहे.
– शेतकऱ्यांना कपास मंडीत ऑनलाइन पंजीकरण, स्लॉट बुकिंग, पेमेंट ट्रॅकिंग आणि सर्व प्रक्रिया घरबसल्या करायला हे ॲप मदत करेल.
– यामुळे मंडीतील वेळ वाचेल आणि शेतकऱ्यांना अधिक सुविधा मिळू शकतील.

स्लॉट बुकिंगसाठी आवश्यक कागदपत्रे:
– आधार कार्ड
– जमीन 7/2 उतारा (मालकीदारीचे पुरावे)
– शेतकरी प्रमाणपत्र (जर असेल तर)
– मोबाइल नंबर

कपास किसान ॲपमध्ये स्लॉट बुकिंग कशी करावी?
– ॲप डाउनलोड करा (Android / iOS प्लॅटफॉर्मवर उपलब्ध आहे).
– ॲपमध्ये शेतकरी म्हणून आपली नोंदणी करा.
– आधार नंबर, मोबाइल नंबर यांचा वापर करून OTP ने कन्फर्म करा.
– आपली जमीन माहिती आणि कपाशीची अंदाजे उत्पादन/विक्री माहिती भरावी.
– नजीकच्या मंडीची निवड करा (सध्या खरगोन मंडी फोकस आहे).
– उपलब्ध स्लॉट बघा आणि आपल्या सोयीचा वेळ आणि तारीख निवडा.
– बुकिंग कॉन्फर्म केल्यावर ॲपमध्ये आपल्याला स्लॉटची माहिती मिळेल.
– मंडीमध्ये पोहोचताना ॲपवरील स्लॉट माहिती दाखवा.