मुंबई (प्रतिनिधी) खाजगी हवामान अंदाज एजन्सी स्कायमेट वेदरने ‘मान्सून 2025’ चा अंदाज जाहीर केला आहे. यंदा भारतात मान्सून हंगाम सामान्य राहण्याचा अंदाज स्कायमेटने वर्तविला आहे. जून ते सप्टेंबर या चार महिन्यांतील सरासरी पाऊस अपेक्षित पावसाच्या 103% असण्याची अपेक्षा आहे, मात्र, दिलेल्या अंदाजात 5 टक्क्यांनी वाढ किंवा घट होण्याची शक्यताही स्कायमेटने वर्तविली आहे.
प्रादेशिकदृष्ट्या, स्कायमेटचा २०२५ च्या मान्सूनमध्ये पश्चिम आणि दक्षिण भारतात चांगला पाऊस पडण्याचा अंदाज आहे. महाराष्ट्र आणि मध्य प्रदेश सारख्या मुख्य मान्सून भागात पुरेसा पाऊस पडेल. केरळ, किनारी कर्नाटक आणि गोवा यासारख्या पश्चिम घाटात पुरेसा पाऊस पडू शकतो. दुसरीकडे, ईशान्य भारत आणि मेघालय, सिक्कीम, उत्तराखंड आणि हिमाचल यांसारख्या उत्तर भारतातील डोंगराळ राज्यांमध्ये सामान्यपेक्षा कमी पाऊस पडू शकतो.
या भागात इतका पाऊस
पश्चिम भारत आणि दक्षिण भारतात समाधानकारक पाऊस
महाराष्ट्र आणि मध्य प्रदेशसारख्या झोनमध्ये पुरेसा पाऊस
पश्चिम घाटात विशेषतः केरळ, किनारी कर्नाटक आणि गोव्यात सरासरीपेक्षा जास्त पाऊस
ईशान्य भारत आणि उत्तर भारतातील डोंगराळ राज्यांमध्ये अपेक्षेपेक्षा कमी पाऊस
जुलैनंतर चांगला पाऊस
स्कायमेटचे व्यवस्थापकीय संचालक जतीन सिंह म्हणाले, या वर्षी ला निना कमकुवत राहिला आहे आणि त्याचा प्रभाव आता संपत आहे. त्याच वेळी, एल निनोची शक्यता नाही. यावेळी ENSO-तटस्थ (सामान्य स्थिती) ही सर्वात प्रभावी स्थिती असेल. यासोबतच, हिंद महासागर द्विध्रुव (IOD) देखील सकारात्मक राहण्याची शक्यता आहे, जे मान्सूनसाठी एक चांगले संकेत आहे. मागील नोंदी दर्शवितात की जेव्हा ENSO तटस्थ असतो आणि हिंद महासागर द्विध्रुव (IOD) सकारात्मक असतो, तेव्हा भारतात मान्सून चांगला असतो. अशा परिस्थितीत, स्कायमेटचा असा विश्वास आहे की, यावेळी मान्सूनचा दुसरा भाग म्हणजेच जुलै नंतरचा काळ चांगला असू शकतो आणि पहिल्या भागापेक्षा जास्त पाऊस पडू शकतो.
