अमळनेर : केंद्र शासनाच्या सहकार्याने पर्यावरणपूरक बांबू लागवड, प्रशिक्षण, आणि स्वयं रोजगारच्या माध्यमातून जळगाव सारख्या जिल्हातील कृषी प्रधान जिल्ह्यातील महिलांना स्वयं रोजगार उपलब्ध करून आर्थिक सक्षमतेकडे नेण्याचा मानस असल्याचं मानिनी फाउंडेशनच्या अध्यक्षा डॉ. भारती चव्हाण यांनी बोलून दाखवला. मानिनी फाउंडेशनच्यावतीने श्री मंगल ग्रह सेवा संस्थान, ॳमळनेर येथील सभागृहामध्ये ‘मानिनी संवाद’ कार्यक्रम आयोजित करण्यात आला होता.
कडबा कुट्टी मशीनसाठी 75 टक्के अनुदान
अधिक माहिती जाणून घेण्यासाठी खालील लिंकवर क्लिक करा👇
https://youtu.be/5hVluXXF3J0
देशातील कृषी क्षेत्रामध्ये सुमारे 80 टक्के महिलांचा सहभाग असतानाही शेतकरी महिलांचे संघटन, प्रशिक्षण, शेती प्रक्रिया उद्योगातील सहभाग आणि अर्थव्यवस्थेतील पकड किंवा विपणन व्यवस्थेतील निर्णय क्षमतेचा अभाव आणि शेती अर्थव्यवस्थेतील सहभाग या गोष्टींचा अभाव जाणवतो, किंबहुना महिला सक्षमीकरण व सबलीकरणासाठी शेती व शेती प्रक्रिया उद्योग यावर लक्ष केंद्रित करणे आवश्यक आहे. राज्यशासन व केंद्र शासनाच्या शेती पुरस्कार योजना आणि धोरणांच्या आधारे स्वयम रोजगार निर्मिती करणे शक्य आहे.
जळगाव जिल्ह्यातील जमिनीची सुपीकता, पाण्याची उपलब्धता आणि महिलांची शेती विषयक पारंपरिक आवड आणि अनुभव लक्षात घेता मानिनी फाउंडेशनच्या माध्यमातून पर्यावरण पुरक शेती म्हणून बांबू लागवडीचा उपक्रम हाती घेण्यात येत आहे. यामध्ये विशिष्ट प्रकारच्या जातीच्या बांबूच्या रोपांची उपलब्धता करुन देणे, लागवडीविषयक प्रशिक्षण देणे, लागवडीसाठी शासनाच्याअंतर्गत आर्थिक मदत मिळवून देणे, तयार झालेल्या बांबूच्या खरेदीची हमी देणे, बांबूपासून तयार होणाऱ्या उत्पादनाचे प्रशिक्षण देणे आणि हाताने व मशीनचे माध्यमातून विविध वस्तू तयार करून महिलांना रोजगार निर्मिती देणे आणि त्यांची विविध प्रकारे मार्केटिंगची व्यवस्था करणे याकामी फाउंडेशनच्या माध्यमातून सहकार्य करणार असल्याचे डॉ. भारती चव्हाण यांनी सांगितले.
सदर उपक्रमासाठी आणि महिलांच्या विकासासाठी सर्वोतोपरी सहकार्य करण्याचे आश्वासन यावेळी श्री मंगल ग्रह संस्थाचे सचिव बाविस्कर यांनी जाहीर केले. तसेच खानदेश बापू फार्मा, लि. चे उमेश सोनार आणि संदिप माळी यांनी बांबू प्रशिक्षणाबाबतची माहिती उपस्थित महिलांना दिली. सदर मेळाव्यास सुमारे 500 मानिनी फाउंडेशनच्या महिला शेतकरी उपस्थित होत्या.
सदर मेळाव्यास मानिनी फाउंडेशनच्या राज्य पदाधिकारी आणि कौटुंबिक न्यायालयातील ज्येष्ठ कायदे तज्ञ पुनम तांबट, कृषीभुषण सतीश काटे, दिलीप बेहरम, शरद कुलकर्णी, महेश पाटील, डॉ. दिनेश पाटील, संजय पाटील, अतुल पाटील तसेच फाउंडेशनच्या जळगावच्या अध्यक्षा जयश्री इंगळे, कार्याध्यक्ष भारती पाटील, छाया पाटील, कल्पना पाटील आदी मान्यवर उपस्थित होते. सूत्र संचालन महेश पाटील, प्रस्ताविक अतुल पाटील तर आभार प्रदर्शन डॉ. दिनेश पाटील यांनी केले.
तुम्हाला हेही वाचायला नक्की आवडेल 👇
