तेजल भावसार
मुंबई : येत्या 1 ऑक्टोबरपासून सुरु होणाऱ्या साखर गाळप हंगामात एकूण साखर उत्पादनापैकी 20% साखर हे ज्यूटमध्ये पॅकेजिंग करण्याचे निर्देश राज्य सरकारने साखर कारखान्यांना दिले आहेत.
अन्न आणि सार्वजनिक प्रशासन विभागाने (Department of Food and Public Administration) साखर कारखान्यांना लिहिलेल्या पत्रात म्हटले आहे की, सर्व साखर कारखान्यांनी साखरेच्या एकूण उत्पादनाच्या 20% साखर ज्यूट पॅकेजिंग मटेरियलमध्ये पॅक करण्याची सूचना देण्यात येत आहे. केंद्र सरकारने ज्यूट पॅकेजिंग, मटेरियल पॅकेजिंग, कमोडिटीजमध्ये पॅकेजिंग वापरामध्ये सक्तीचा वापर कायदा, 1987 च्या तरतुदी अंतर्गत आदेश जारी केले आहेत. ज्यामध्ये ज्यूट पॅकेजिंग मटेरियलमध्ये अनिवार्यपणे पॅक करावयाच्या वस्तूंची टक्केवारी निर्दिष्ट केली आहे.
फळ झाडांच्या वाढीसाठी आता कृषिसम्राटचे ग्रोफास्ट। Growfast।
अलीकडील निर्णयानुसार, जेपीएम कायदा 1987 च्या तरतुदीनुसार साखरेच्या एकूण उत्पादनापैकी 20% साखर ज्यूट पॅकेजिंग मटेरियलमध्ये पॅक करणे अनिवार्य आहे.
साखरेच्या बाबतीत जेपीएम कायदा 1987 च्या तरतुदीच्या अंमलबजावणीचा शासनाच्या सर्वोच्च स्तरावर आढावा घेतला जात आहे. तसेच पुढील साखर हंगाम सुरू होण्यापूर्वी सर्व साखर कारखान्यांकडून योग्य ती कार्यवाही केली जाणार आहे. खादी उद्योगाला प्रोत्साहन देण्याकरिता सरकारने ज्यूट पॅकेजिंगला प्रोत्साहन देण्याचा निर्णय घेतला आहे.
