जळगाव : रब्बी हंगामातील पिकांना थंडी तशी अनुकूल असते. मात्र काही फळपिकांना अती थंडीचा फटकाही बसतो. केळी पिकाच्या बाबतीत असेच काहीसे होत होते. केळी पिकाला अतिथंड हवामान प्रतिकूल नसते. सध्याचे अती थंड वातावरण केळीसाठी घातक ठरत असून केळीच्या दरावरही त्याचा विपरित परिणाम होत आहे. अशा वातावरणात केळीच्या विक्रीतही घट झाली आहे.
केळी बागावर असा होतो परिणाम
वातावरणात दहा अंश सेल्सिअसच्या कमी तापमानाची नोंद होताच केळीची नैसर्गिक वाढ थांबते. पाने पिवळी पडतात आणि गंभीर परिस्थितीत ऊती मारायला लागतात. बागा सर्वसामान्य दिसत असल्या तरी अधिकच्या गारव्यामुळे केळीच्या घडाची वाढ खुंटलेली असते. केळीच्या घडाचा आकार वाढलेला दिसतो पण आतमधून तो भाग पोखरला जाऊ शकतो. याला घसा खडू असे म्हणतात. त्यामुळे कधीकधी घड परिपक्व होण्यास पाच ते सहा महिने लागतात. त्यामुळे पाहिजे त्या प्रमाणात घडाची वाढ होत नाही.
अशी घ्यावी केळी पिकाची काळजी
बदलत्या वातावरणाचा परिणाम आगामी काळात लागवड केल्या जाणाऱ्या केळीवरही होतो. त्यामुळे या थंडीच्या काळात फुल लागवड होऊच नये. हिवाळ्यात कडाक्याच्या थंडीमुळे किंवा कधीकधी गुच्छ आभासी खोडातून योग्य प्रकारे बाहेर येत नाही म्हणून गुच्छाची वाढ चांगली नाही. टिश्यू कल्चरपासून तयार केलेले केळीतील फूल नवव्या महिन्यात लागतात तर साकरने लावलेल्या केळीतील घड दहाव्या किंवा अकराव्या महिन्यात येतो. केळीच्या बागेसाठी नियमित पाण्याची आवश्यकता असते. त्यामुळे ठिबकचा वापर फायदेशीर ठरतो. पाणी वर्षभर दरमहा किमान १० सेंमी इष्टतम स्वरूपात वितरित करावे लागते. केळीच्या शेताची माती हिवाळ्यात नेहमीच ओलसर असणे आवश्यक आहे. त्यामुळे हिवाळा सुरु होण्यापूर्वी केळीच्या बागेत हलक्या प्रकारची मशागत करणे गरजेचे आहे. यामध्ये लहान ट्रॅक्टरच्या सहायाने नांगरण करुन घ्यावी तसेच रोगराईचा प्रादुर्भाव होताच खताची मात्रा देणे गरजेचे आहे. त्यामुळे रोगराईचे प्रमाण कमी होणार आहे. तर हंगामात नाही पण थंडीमध्ये केळीच्या बागांची विशेष काळजी हाच यावरील पर्याय आहे. थंडीच्या लाटेमुळे गेल्या पंधरा दिवसापासून बाजारात केळीची मागणी घटली आहे. त्याचा केळी व्यापाऱ्यांसह शेतकऱ्यांना त्याचा फटका बसत आहे.
