20 हजार टन कांदा निर्यातीस परवानगी दिल्यानंतर कांद्याला काय भाव मिळाला ?

पुणे : केंद्र सरकारने डिसेंबर महिन्यात कांदा निर्यात बंदी केली होती. यामुळे कांदा बाजार भावात घसरण झाली आणि शेतकऱ्यांचे मोठे नुकसान झाले. कांद्यावरील निर्यात बंदी उठेल, अशी अपेक्षा शेतकऱ्यांना होती. मात्र, 31 मार्च नंतर देखील कांदा निर्यात बंदी जोपर्यंत पुढील आदेश येत नाही तोपर्यंत कायम राहणार असा निर्णय केंद्र सरकारने घेतला.

केंद्र सरकारने दोन दिवसांपूर्वी युएई आणि बांगलादेशला 20 हजार टन कांदा निर्यात करण्याचा निर्णय घेतला. कांदा निर्यातीला परवानगी दिल्यानंतर बाजार समित्यांमध्ये कांद्याला काय भाव मिळत आहे हे आज आपण जाणून घेणार आहोत.

महाराष्ट्र राज्य कृषी पणन महामंडळाकडून मिळालेल्या माहितीनुसार, पुणे पिंपरी कृषी उत्पन्न बाजार समिती त कांद्याला जास्तीत जास्त दर हा 1500 रुपये प्रतिक्विंटल मिळाला असून 26 क्विंटल कांद्याची आवक झाली. तसेच लासलगाव कृषी उत्पन्न बाजार समिती कांद्याला जास्तीत जास्त दर हा 1550 रुपये प्रतिक्विंटल मिळाला तर सर्वसाधारण दर हा 1300 रुपये प्रतिक्विंटल मिळाला.

दरम्यान दिंडोरी कृषी उत्पन्न बाजार समितीच्या दिंडोरी व वनी येथील कांदा खरेदी विक्रीचे व्यवहार सुरू झाले असून येथे कांद्याला 1300 ते 1700 रुपये प्रतिक्विंटल दर मिळाला.

सौजन्य – (महाराष्ट्र राज्य कृषी पणन मंडळ)

पीएम किसानचा 17 वा हप्ता कधी येणार ? या व्हिडिओमध्ये पहा संपूर्ण माहिती

सूचना :- बाजार समितीतील आवकनुसार दरात बदल होऊ शकतो. तरी शेतकऱ्यांनी संबंधित बाजार समिती व व्यापाऱ्यांशी संपर्क साधूनच शहानिशा करावी. याचा ॲग्रोवर्ल्डशी प्रत्यक्ष व अप्रत्यक्षरित्या कोणताही संबंध नसेल.

तुम्हाला हेही वाचायला नक्की आवडेल 👇

• इफको लाँच करणार जास्त नायट्रोजनवाला नॅनो युरिया प्लस
• शेळीपालन : उन्हाळ्यात घ्यावयाची काळजी