न्यू यॉर्क : : रेसट्रॅक प्लेया ही एक अशी जागा आहे जिथे 300 किलोचा दगडसुद्धा आपोआप चालतो! हे जगभरातील शास्त्रज्ञानी मिळून उलगडेलेले कोडे आहे. हे अमेरिकेतील डेथ व्हॅलीमधील रहस्य आता जगासमोर उघड झाले आहे. काय आहे हे जगातील अद्भुत आश्चर्य, जाणून घ्या…
रेसट्रॅक प्लेया म्हणजे नेमके आहे तरी काय?
ही आहे सपाट जमिनीवर आपोआप सरकणाऱ्या दगडांची जागा, जिला म्हटले जाते रेसट्रॅक प्लेया! इथे अगदी 300 किलो वजनाचे निर्जीव दगडसुद्धा सुकलेल्या, शुष्क जमिनीवर स्वतःहून एका जागेहून दुसऱ्या जागी सरकतात. या दगडांच्या प्रवासाचा लांबलचक माग (ट्रेल ट्रॅक) सहजपणे दिसू शकतो. कधी कधी तर हा माग चक्क अर्ध्या किलोमीटरहुन जास्त अंतराचा असतो. म्हणजे निर्जीव दगड स्वतःहून अर्धा किलोमीटर अंतर चालून जातो.
शासनाकडून मिळवा 10 ते 25 लाख रुपयांपर्यंतचे कर्ज। PMEGP Scheme।
अधिक माहिती जाणून घेण्यासाठी खालील लिंकवर क्लिक करा
https://youtu.be/ScTiASiJrCo
शास्त्रज्ञ काही प्रमाणात यशस्वी, रहस्य कायमच
अगदी अलीकडील काळापर्यंत जगभरातील शास्त्रज्ञाना या जागेचे कोडे उलगडत नव्हते. काही वर्षांच्या अथक प्रयत्नानंतर आणि थोड्याश्या नशिबाच्या साथीमुळे सरतेशेवटी शास्त्रज्ञ त्यात काही प्रमाणात यशस्वी झाले. अजूनही हे रहस्य तसे पुरेसे उलगडलेले नाही.
ऑफर : स्मार्ट टीव्ही अगदी स्वस्तात
प्रतिकूल हवामानामुळे सजीवांची संख्या कमी
अमेरिकेतील डेथ व्हॅलीमधील हवामान खूप शुष्क असते. या भागामध्ये खूपच कमी पाऊस पडतो, त्यामुळे येथील जमीन पण कोरडी असते. तसेच इथे प्रतिकूल हवामानामुळे सजीवांची संख्याही खूप कमी आहे. अशा या वाळवंटी भागामध्ये एक सुकलेले तळे आहे जे जेमतेम 4 किमी लांब आणि 2 किमी रुंद भागामध्ये पसरलेले आहे. जगातील इतर तळी ही सामान्यतः उंचसखल असतात पण हे तळे पूर्णतः वेगळे म्हणजे सपाट, समतल आहे. तसेच पावसाचा अभाव असल्यामुळे हे तळे वर्षाचे बहुतेक दिवस सुकलेले असते.
नैसर्गिक आश्चर्याचा अद्भुत अनुभव
या जागेवर एक नैसर्गिक आश्चर्य अनुभवायला मिळते. अगदी लहान आकाराच्या दगडांपासून ते 200-300 किलो वजनाचे दगड इथे सुकलेल्या वाळूमध्ये आपोआप सरकतात आणि मागे एक सरळ किंवा नागमोडी माग सोडतात.
एखादा माणूस दगडांना वाळूमध्ये ढकलतो का?
सुरुवातीला लोकांचे असे मत झाले, की एखादा माणूस किंवा प्राणी दगडांना वाळूमध्ये ढकलत असावा; पण दगडांचा माग सोडून इथे माणसाचे किंवा कोणत्याही प्राण्याच्या पायाचे ठसे कधीच आढळून आले नाहीत. त्यामुळे ही शक्यता नाकारण्यात आली आणि शास्त्रीय संशोधन सुरू करण्यात आले.
सरकणाऱ्या दगडांचे केले गेले जीपीएस ट्रॅकिंग
रेसट्रॅक प्लेया भागातील अनेक दगडांवर स्थाननिश्चिती करण्याची उपकरणे म्हणजे जीपीएस ट्रॅकिंग डिव्हाईस लावण्यात आली. तसेच सभोवतालच्या भागामध्ये काही स्वयंचलित कॅमेरा बसवण्यात आले. एवढा सगळा खटाटोप करून कित्येक दिवस शास्त्रज्ञांच्या हाती विशेष असे काहीच लागत नव्हते. या जागेचे कोडे उलगडण्याची कोणतीही शक्यता दिसत नसताना अचानक त्यांचे नशीब पालटले.
रात्रीच्या वेळी तापमान गोठणबिंदूच्या जवळपास
एकाएकी पाऊस सुरू झाला. त्यामुळे गेले कित्येक दिवस पाण्याअभावी कोरडे पडलेल्या या भागामध्ये पाणी जमा झाले. रात्रीच्या वेळी येथील तापमान गोठणबिंदूच्या जवळपास पोचते. त्यामुळे तळ्यातील पाण्यावर बर्फाचा थर जमा होऊ लागला. हा बर्फाचा थर जास्त जाड किंवा जास्त बारीक नव्हता.
दगड सरकत असतानाचे व्हिडिओ कॅमेरामध्ये कैद
शास्त्रज्ञ गेले कित्येक दिवस ज्या गोष्टीची आतुरतेने वाट पाहत होते, ती घडायला सुरुवात झाली. डिसेंबर 2013 ते जानेवारी 2014 या काळामध्ये अनेक दिवशी दगड सरकत असतानाचे व्हिडिओ कॅमेरामध्ये कैद करण्यात आले. दगडांवर बसविलेल्या जीपीएस उपकरणांच्या साहाय्याने ते किती अंतर पार करून गेले ते पण नोंदविण्यात आले. पुढे फेब्रुवारी 2014 मध्ये तळे पूर्णपणे सुकले तेव्हा अपेक्षेप्रमाणे दगडांचे माग दिसू लागले.
प्रत्यक्षात पाण्याच्या पृष्ठभागावरील बर्फाचे थर सरकतात
यावरून शास्त्रज्ञांनी असा निष्कर्ष काढला की, जेव्हा जेव्हा रेसट्रॅक प्लेया भागामध्ये पाऊस पडतो आणि तळ्यामध्ये पाणी जमा होते, तेव्हा एक विशिष्ट परिस्थिती निर्माण झाली की दगड सरकू लागतात. पाण्यामध्ये अर्धवट बुडालेल्या दगडांवर बर्फाचे आवरण जमा होते आणि जेव्हा मोठ्याने वारा वाहू लागतो, तेव्हा पाण्याच्या पृष्ठभागावर जमा झालेले बर्फाचे थर सरकू लागतात. त्याच्या बरोबर हे मोठमोठाले दगड पण सरकू लागतात. नंतर जेव्हा तळे आटते तेव्हा दगडांचे माग दिसू लागतात. इथे बर्फ महत्वाची भूमिका निभावतो. अशा प्रकारे शास्त्रज्ञांनी एका नैसर्गिक आश्चर्याचा उलगडा केला आहे. मात्र, या दगडांची आपणहून सरकासरकी, प्रवासयात्रा आजही सुरू आहे. जगभरातून आजही हजारो पर्यटक हा दगडांचा प्रवास पाहायला या ठिकाणी भेटी देत असतात.
तुम्हाला हेही वाचायला नक्की आवडेल
Comments 3