प्रतिनिधी, पुणे
राज्यातील कृषी विभागातील प्रथम श्रेणीतील तीन अधिकाऱ्यांना दि.१९ नोव्हेंबर २०२० रोजी पदोन्नती देण्याचा निर्णय घेण्यात आला. शासन आदेश क्र. आकृवि २४२०/प्रक्र.५२/१५ अे नुसार सामान्य प्रशासन विभागाने पुणे येथे कार्यरत असलेले श्री. दिलीप झेंडे, विभागीय कृषी सहसंचालक यांना पुणे येथील कृषी आयुक्तालयात निविष्ठा व गुणनियंत्रण संचालक म्हणून पदोन्नती मिळाली आहे. श्री. सुभाष नागरे, विभागीय कृषी सहसंचालक, अमरावती यांना पदोन्नतीनुसार संचालक यांना कृषी आयुक्तालयात कृषी प्रक्रिया व नियोजन कृषी संचालकपदी तर ठाणे येथे विभागीय कृषी सहसंचालक म्हणून कार्यरत असलेले श्री. विकास पाटील यांना आयुक्तालयात विस्तार व प्रशिक्षण संचालकपदी पदोन्नती मिळाली.
सामान्य प्रशासन विभागाने २५ सप्टेंबर २०२० च्या पत्र संदर्भानुसार सदर पदोन्नती केली असून कृषी सहसंचालक (वेतनश्रेणी S-२५) मधून आता वरील अधिकाऱ्यांची नियुक्ती कृषी संचालक ( वेतनश्रेणी S-२७ ) गट अ मध्ये अटींच्या अधीन राहून पदोन्नती दिली आहे..
