मुंबई : पीएम किसान योजनेच्या 14व्या हप्त्याची अनेक दिवसांपासून वाट पाहत असलेल्या शेतकऱ्यांसाठी आनंदाची बातमी आहे. पंतप्रधान किसान सन्मान निधी योजनेच्या माध्यमातून पात्र शेतकऱ्यांना दरवर्षी 6 हजार रुपयांची आर्थिक मदत केली जाते. ही आर्थिक मदत 3 हप्त्यांमध्ये शेतकऱ्याच्या खात्यात जमा केली जाते. आतापर्यंत केंद्र सरकारकडून या योजनेचे 13 हप्ते जारी करण्यात आले असून आता पीएम किसान योजनेचा 14वा हप्ता शेतकऱ्यांना हस्तांतरित करण्याची तारीख सरकारने जाहीर केली आहे.
प्रधानमंत्री किसान सन्मान निधी योजना किंवा पीएम किसान अंतर्गत केंद्र सरकार सर्व पात्र शेतकऱ्यांना वर्षभरात ठराविक अंतराने तीन हप्त्यांमध्ये 6,000 रुपये देते. हे पैसे थेट शेतकऱ्यांच्या बँक खात्यात डीबीटीद्वारे वर्ग केले जातात. या योजनेच्या माध्यमातून छोट्या शेतकऱ्यांना थेट मदत देण्याचा सरकारचा प्रयत्न आहे.
निर्मल रायझामिकाच्या बीज प्रक्रियेचे फायदे👇
‘या’ दिवशी खात्यावर जमा होतील 2 हजार रुपये
मिळालेल्या माहितीनुसार, राजस्थानच्या नागौर जिल्ह्यात पीएम किसान योजनेचा 14वा हप्ता वितरित करण्यासाठी एक कार्यक्रम ठेवण्यात आला आहे. ज्यामध्ये पंतप्रधान नरेंद्र मोदी स्वतः बटण दाबून शेतकऱ्यांच्या खात्यात ऑनलाईन पैसे पाठवतील. या कार्यक्रमात शेतकरीही मोठ्या संख्येने सहभागी होणार आहेत. यावेळी देशातील 8.5 कोटी शेतकर्‍यांच्या बँक खात्यात दोन हजार रुपयांची रक्कम 28 जुलै रोजी वितरित केली जाणार आहे.
सरकार किती पैसे हस्तांतरित करेल?
केंद्र शासन 28 जुलै रोजी देशभरातील 8.5 कोटी शेतकऱ्यांना पीएम किसान योजनेचा 14 वा हप्ता जारी करतील. थेट लाभ हस्तांतरण म्हणजेच DBT द्वारे दोन हजार रुपये थेट शेतकऱ्यांच्या खात्यात पाठवले जातील. दरम्यान, पीएम किसान पोर्टलवर फार्मर्स कॉर्नरमध्ये आणखी एक सुविधा जोडण्यात आली आहे. यानंतर आता लाभार्थी त्यांच्या मोबाईलवर पीएम किसान मोबाईल ॲप डाउनलोड करू शकतात.
