मुंबई : Oregano Lagwad.. शेतीत आधुनिकतेची कास धरणे आता अत्यावश्यक बनत चालले आहे. तसेच पारंपरिक पिकांऐवजी औषधी, विविध प्रकारच्या पानांची मागणी खुप वाढली आहे. असेच एक पीक आहे ज्याची बाजारात मागणी वाढू लागली आहे. शेतकरी या पिकाची लागवड करून चांगला नफा मिळवू शकता. आपण आज या लेखातून जाणून घेवू या हे कोणते पीक आहे, या पिकाची कशा प्रकारे लागवड केली जाते.
ओरेगॅनो या पिकाची बाजारात मागणी वाढू लागली आहे. पूर्वी फक्त पिझ्झा, पास्ता यांसारख्या इटालियन खाद्यपदार्थांमध्ये याचा वापर केला जात होता. परंतु, आता सर्व प्रकारच्या खाद्यपदार्थांमध्ये त्याचा वापर केला जात आहे. ओरेगॅनो पुदीना कुटुंबातील एक सदस्य आहे. ही Lamiaceae कुटुंबातील एक वनस्पती आहे. काही भागात ओरेगॅनोला वन तुळशी म्हणतात. त्याची फुले गुलाबी, जांभळ्या आणि पांढर्‍या रंगाची असतात, त्याची चव ओव्याप्रमाणे तेज असते. त्यात अनेक प्रकार आहेत. यापासून तेलही बनवले जाते.
अ‍ॅग्रोवर्ल्ड कृषी प्रदर्शन @ नाशिक – 6 ते 9 जानेवारी 2023
अधिक माहिती जाणून घेण्यासाठी खालील लिंकवर क्लिक करा👇
https://youtu.be/8SNwMAz8j-8
ओरेगॅनो नेमकं आहे तरी काय
ओरेगॅनो हा केवळ चवीचा खजिनाच नाही तर औषध म्हणूनही वापरला जातो. पूर्वी फक्त इटालियन पदार्थांमध्ये ओरेगॅनोचा वापर केला जात होता, मात्र भारतात परदेशी पदार्थांची वाढती मागणी पाहता आता आपल्याकडेही त्याचा मोठ्या प्रमाणात वापर केला जात आहे. यामुळे जेवणाची चव तर वाढतेच, पण हिवाळ्याच्या काळात आजारांपासूनही संरक्षण मिळते.
ओरेगॅनो लागवडीसाठी योग्य माती आणि हवामान
6 ते 8 पीएच मूल्य असलेली कोरडी, वालुकामय जमीन ओरेगॅनो लागवडीसाठी योग्य आहे. मातीचा निचरा चांगला असावा. त्याच्या लागवडीसाठी उष्णता आणि अधिक सूर्यप्रकाश आवश्यक आहे. थंड हवामानात दंव संरक्षण आवश्यक आहे. ओरेगॅनो पेरण्यापूर्वी शेताची पूर्णपणे नांगरणी करा. कल्टिव्हेटर चालवा जेणेकरून माती भुसभुशीत होईल किंवा नंतर पेलवा बनवा. यानंतर जमिनीत सेंद्रिय पदार्थ असलेले कंपोस्ट टाकावे. ओरेगॅनोच्या चांगल्या वाढीसाठी दाणेदार सेंद्रिय खत वापरा.
ओरेगॅनो दोन प्रकारे शेतात लावता येते. प्रथम बियाणे पद्धतीने, दुसरे ग्राफ्टिंग पद्धतीने. बियाणे पद्धतीने पेरणी करण्यासाठी बियाणे 12 ते 15 इंच अंतरावर शेतात लावावे. ओरेगॅनो झाडे पसरतात, त्यामुळे बियांमधील अंतर महत्त्वाचे आहे. दुसरीकडे, ग्राफ्टिंग पद्धतीने पेरणी करण्यापूर्वी, झाडांच्या कटिंगमध्ये मुळे वाढवणे आवश्यक आहे. मुळे बाहेर आल्यानंतरच प्रत्यारोपण करा.
कुठं मिळतील या पिकांच्या बिया
तुम्हाला ओरेगॅनोच्या विविध जातींचे बिया ऑनलाइन मिळतील, त्याशिवाय तुम्ही जवळच्या रोपवाटिकेतूनही माहिती मिळवू शकता. ओरेगॅनो झाडांना कमी सिंचनाची आवश्यकता असते. मात्र, रोप लावल्यानंतर लगेच पाणी द्यावे, त्यानंतर माती पूर्णपणे कोरडी झाल्यानंतर पाणी द्यावे. शेतात पाणी साचू नये याची काळजी घ्यावी. ही झाडे 1 ते 2 फूट उंच असतात. जेव्हा झाडे 4 इंच उंच असतात, तेव्हा काही पाने तोडून घ्या आणि नियमित छाटणी करा. मृत देठ कापत रहा.
मिळेल चांगले उत्पन्न
रोझेनकुप्पेल, ऑरियम, चार्ली गोल्ड यासह ओरेगॅनोचे अनेक प्रकार बाजारात उपलब्ध आहेत. फुलांच्या नंतर झाडांची चव बदलते, म्हणून फुलांच्या आधी पाने काढणी करा. यानंतर पाने गोळा करून गुठळ्या तयार करून वाळवाव्यात. या वाळलेल्या पानांचे भाव बाजारात चांगले आहेत. याशिवाय ओल्या पानांपासून सर्व प्रकारच्या सॉस आणि चटण्या बनविल्या जातात, ज्यांना बाजारात चांगली मागणी आहे, तसेच ओरेगॅनोचे तेलही बनवले जाते. त्याच्या लागवडीसह, आपण प्रक्रिया युनिट स्थापित करून अनेक पटींनी नफा मिळवू शकता.
