नवी दिल्ली : पंतप्रधान किसान सन्मान निधीचा 12 वा हप्ता खात्यांमध्ये हस्तांतरित करण्यात आला आहे. आता सरकार पीएम किसान योजनेचा (PM Kisan Yojana) 13वा हप्ता शेतकऱ्यांच्या खात्यात वर्ग करणार आहे. सध्या 13 वा हप्ता देण्यापूर्वी सरकारने शेतकऱ्यांसाठी मोठा अपडेट दिला आहे. जर शेतकऱ्यांनी या नवीन नियमांचे पालन केले नाही तर 13व्या (PM Kisan) हप्त्याचे पैसे त्यांच्या खात्यात वर्ग होणार नाहीत. जाणून घ्या.. काय आहेत बदल?.
पंतप्रधान नरेंद्र मोदी यांनी गेल्या महिन्यातच ‘पीएम किसान सन्मान निधी’चा 12वा हप्ता जारी केला होता. यासाठी केंद्र सरकारने 16 हजार कोटी रुपये खर्च केले. यावेळी सुमारे 8 कोटी शेतकऱ्यांच्या खात्यात 2000-2000 रुपये वर्ग करण्यात आले. त्याचवेळी, आता शेतकरी पीएम किसानच्या 13व्या हप्त्याची प्रतीक्षा करू लागले आहेत. मात्र यावेळी अनेक शेतकऱ्यांना तेराव्या हप्त्याचा लाभ घेता येणार नाही. सरकारने ‘पीएम किसान सन्मान निधी’च्या नियमांमध्ये काही बदल केले आहेत , जेणेकरून बनावट लोक या योजनेचा लाभ घेऊ शकत नाहीत.
11 ते 14 नोव्हेंबर 2022 अ‍ॅग्रोवर्ल्ड कृषी प्रदर्शन @ जळगाव…
https://youtu.be/XlJoVAZ71K4
अन्यथा, 13व्या हप्त्यापासून रहाल वंचित
माहितीनुसार, पीएम किसानमधील अनियमिततेची अनेक प्रकरणे समोर आल्यानंतर केंद्र सरकारने हा निर्णय घेतला आहे, जेणेकरून भविष्यात हेराफेरी थांबवता येईल. आता पीएम किसानचा लाभ घेणाऱ्या शेतकऱ्यांना आधी त्यांच्या जमिनीच्या कागदपत्रांची पडताळणी करावी लागणार आहे. तसेच, या प्रकरणात लाभार्थी शेतकऱ्यांना त्यांच्या जमिनीच्या नोंदींची पडताळणी करावी लागेल. अन्यथा, ते पीएम किसान सन्मान निधीच्या 13व्या हप्त्यापासून वंचित राहतील.
रेशन कार्डची सॉफ्ट कॉपी अपलोड करावी लागणार
शिधापत्रिकेची प्रत जमा न केल्याने तुम्हाला पीएम किसान सन्मान निधी मिळणार नाही. जर तुम्हाला 13व्या हप्त्यापासून वंचित राहायचे असेल, तर पीएम किसान योजनेच्या अधिकृत वेबसाइट https://pmkisan.gov.in वर पीडीएफ स्वरूपात तुमच्या रेशन कार्डची सॉफ्ट कॉपी अपलोड करावी लागणार आहे. तसेच, 2000 रुपयांची रक्कम मिळविण्यासाठी, लाभार्थी शेतकऱ्यांना त्यांचे आधार कार्ड त्यांच्या बँक खात्याशी लिंक करावे लागेल.
पूर्वी ‘ही’ कागदपत्रे जमा करावी लागत होती
आतापर्यंत शेतकऱ्यांना नोंदणी करण्यासाठी आधार कार्ड, बँक पासबुक आणि घोषणापत्राची हार्ड कॉपी जमा करावी लागत होती. आता ही प्रक्रिया संपली असून फक्त सॉफ्ट कॉपी जमा करायची आहे. आता या नियमामुळे शेतकऱ्यांचा वेळ वाचणार असून पारदर्शकताही वाढणार आहे.
नवीन नियमांनुसार सर्व प्रक्रिया पूर्ण करणे आवश्यक
पीएम किसान सन्मान निधीचा 13 वा हप्ता जानेवारी महिन्यात जारी केला जाऊ शकतो, कारण 2021 मध्येच पीएम किसान सन्मान निधी शेतकऱ्यांच्या खात्यात हस्तांतरित करण्यात आला होता. अशा परिस्थितीत पात्र शेतकऱ्यांना किसान सन्मान निधी मिळविण्यासाठी अधिकृत वेबसाइटवर नवीन नियमांनुसार सर्व प्रक्रिया पूर्ण कराव्या लागतील.
बनावट शेतकऱ्यांची ओळख पटली
केंद्र सरकारने 11 व्या हप्त्यासाठी 21 हजार कोटी जारी केले होते. त्यानंतर 10 कोटी शेतकऱ्यांच्या खात्यात पैसे जमा झाले. त्याच वेळी, ई-केवायसी अनिवार्य केल्यावर बनावट शेतकऱ्यांच्या संख्येत लक्षणीय घट झाली. एकट्या उत्तर प्रदेशात 21 लाख बनावट शेतकऱ्यांची नावे कापण्यात आली. त्याचप्रमाणे झारखंड आणि बिहारमध्येही अनेक बनावट शेतकरी सापडले आहेत.
तुमचे स्टेटस जाणून घ्या
नोंदणी केल्यानंतर तुम्ही तुमचे स्टेटस स्वतः तपासू शकता. त्याचबरोबर, तुम्ही आता तुमच्या स्वतःच्या अर्जाचे स्टेटस तपासू शकता, तुमच्या बँक खात्यात किती हप्ता आला आहे. कोणताही शेतकरी पीएम किसान पोर्टलला भेट देऊन त्याच्या स्टेटसबद्दल माहिती मिळवू शकतो.
तुम्हाला हेही वाचायला नक्की आवडेल 👇
