प्रसिद्ध रानभाजी - कटुरले हे कमी खर्चात जास्त उत्पन्न देणारे पीक आहे. या पिकाचा कालावधी 60 ते 70 दिवसांचा असून लागवडीच्या 15 ते 20 दिवसात यांची उगवण झालेली आपल्याला दिसते. याची बाजारातही मोठ्या प्रमाणात मागणी आहे.
कटुरले ही रान भाजी कारल्याच्या वैशिष्ट्यांसारखीच असते. मात्र, या भाजीची चव कडू नसते. कटुरले च्या फळावर बारीक मुलायम काटे असतात. ही भाजी आकाराने गोल असते तर यात मुख्यत्वे दोन प्रकार पडतात एक म्हणजे लहान आकाराची भाजी तर दुसरी त्यामानाने थोडी मोठी असते. यात आकाराने लहान असलेल्या कटुरल्याची मागणी जास्त आहे.