कांदा लिलाव पूर्ववत सुरु ; वाचा आजचे कांदा बाजारभाव

पुणे : राज्यातील कांदा उत्पादक शेतकऱ्यांनी गेल्या तीन ते चार दिवसांपासून कांदा निर्यातबंदीमुळे बाजार समित्या बंद ठेवल्या होत्या. मात्र, आता राज्यासह नाशिक जिल्यातील बाजार समित्यांनी कांदा लिलाव नियमितपणे सुरु केले असल्याचे सांगितले जात आहे. तसेच यासंदर्भातील सूचना लासलगाव कृषी उत्पन्न बाजार समितीने आपल्या अधिकृत पेजवर केली आहे. मात्र, आता कांदा लिलाव सुरु करण्यात आल्याने कांद्याला कोणत्या बाजार समितीत किती भाव मिळाला ?, कांद्याची सर्वाधिक आवक कुठे झाली ?, हे आज आपण जाणून घेणार आहोत.

महाराष्ट्र राज्य कृषी पणन महामंडळाकडून मिळालेला माहितीनुसार, कांद्याला आज (दि. 13) रोजी पुणे पिंपरी कृषी उत्पन्न बाजार समिती सर्वसाधारण दर हा 3 हजार रुपये प्रतिक्विंटल मिळाला तर जास्तीत जास्त दर देखील 3 हजार रुपये प्रतिक्विंटल मिळाला. येथे कांद्याची 7 क्विंटल इतकी आवक झाली. तसेच काल (दि. 12) रोजी लासलगाव कृषी उत्पन्न बाजार समितीत कांद्याला 2 हजार रुपये प्रतिक्विंटल दर मिळाला. तर जळगाव कृषी बाजार समितीत कांद्याला सर्वसाधारण दर हा 1 हजार 300 रुपये प्रतिक्विंटल दर मिळाला.

सौजन्य – (महाराष्ट्र राज्य कृषी पणन मंडळ)

सूचना :- बाजार समितीतील आवकनुसार दरात बदल होऊ शकतो. तरी शेतकऱ्यांनी संबंधित बाजार समिती व व्यापाऱ्यांशी संपर्क साधूनच शहानिशा करावी. याचा ॲग्रोवर्ल्डशी प्रत्यक्ष व अप्रत्यक्षरित्या कोणताही संबंध नसेल.

तुम्हाला हेही वाचायला नक्की आवडेल 👇

• कापसाच्या दरात वाढ ? ; जाणून घ्या आजचे कापूस बाजारभाव
• केळीला या बाजार समित्यांमध्ये मिळाला असा दर